کراچی میں ہیٹ ویو کا ایک اور دن، درجہ حرارت 43 ڈگری

22 مئی ، 2018

کراچی میں ہیٹ ویو کا ایک اور دن، ہوا بند ، موسم شدید گرم، درجہ حرارت 43 ڈگری کو چھو گیا، مسلسل 4 دن سے پارہ 40 ڈگری سے اوپر، جمعرات کے بعد شہر میں ہیٹ ویو ختم ہونے کا امکان، کراچی والوں کو مئی اور جون میں مزید ہیٹ ویوز کا سامنا رہے گا۔

کراچی بلند و بالا عمارتوں کا شہر بن گیا ہے، ماہرین کہتے ہیں کہ یہاں درختوں کا اب کوئی قدرتی جنگل نہیں، معتدل موسم کا حامل کراچی مئی کے آغاز میں ہی شدید ترین گرمی کی لپیٹ میں ہے، جمعرات سے شروع ہونے والی گرمی کی لہر رواں ماہ کی دوسری ہیٹ ویو ہے، موسم کا حال بتانے والے کہتے ہیں کہ جمعہ سے درجہ حرارت میں بتدریج کمی آنے کا امکان ہے۔

بالائی سندھ میں بننے والا ہوا کا کم دباؤ کراچی کی سمندری ہواؤں کا رخ موڑنے کا سبب بن رہا ہے، سندھ اور بلوچستان کی گرم اور خشک ہواؤں نے کراچی میں ڈیرے ڈال دئیے ہیں۔

موسم کا حال بتانے والے کہتے ہیں کراچی والوں کو مئی اور جون میں مزید ہیٹ ویوز کا سامنا رہے گا، 15 جون کے بعد ہلکی پھلکی پھوار شہر پر رحمت بن کر برس سکتی ہے۔

تازہ ترین