کیلی فورنیا کے شہر ریڈنگ کے نزدیک لگی خوفناک آگ نے ہر شے کو اپنی لپیٹ میں لے لیا،مختلف حادثات میں 2 بچوں، 70 سالہ خاتون سمیت 6 افراد ہلاک ہو گئےجبکہ 7 افراد لاپتہ ہیں۔
ایک ہفتے قبل لگنے والی خوفناک آگ تاحال بے قابوہے۔ساتھ ہی آگ مزید بڑھتی بھی جارہی ہے، آگ کی لپیٹ میں آکر 95 ایکڑ سے زائد رقبہ جل کر راکھ ہوگیا تاہم 3500فائرفائٹر اور17ہیلی کاپٹر آگ پر قابو پانے میں مصروف ہیں۔
حکام کے مطابق اس وقت کیلی فورنیا میں 17 مقامات پر آگ لگی ہوئی ہےجس کے باعث 2 لاکھ سے زائد رقبہ تباہ ہوگیا ہے، متاثرہ علاقوں سے 38ہزار سے زائد افراد کو نقل مکانی کرنی پڑی ہے۔