ذو الحج کا چاند دیکھنے کیلئے رویت ہلال کمیٹی کا اجلاس آج ہوگا

پاکستان میں اسلامی سال کے آخری مہینے ذو الحج کا چاند دیکھنے کے لیے رویت ہلال کمیٹی کا اجلاس آج ہوگا، محکمہ موسمیات نے چاند نظر آنے کا امکان ظاہر کیا ہے۔

محکمہ موسمیات کے مطابق چاند کی پیدائش کل دوپہر 2 بجکر 59 منٹ پر ہوچکی ہے اور فلکیاتی پیرامیٹرز کے مطابق 12 اگست کی شام کو ذوالحج کا چاند نظر آنے کا قوی امکان ہے۔

آج چاند نظر آنے کی صورت میں پاکستان میں عیدالاضحیٰ 22 اگست بروز بدھ کو ہوگی، تاہم چاند کی رویت کا حتمی اعلان مرکزی رویت ہلال کمیٹی شہادتوں کا جائزہ لینے کے بعد کرے گی۔

دوسری جانب محکمہ موسمیات نے آج ملک کے بیشتر حصوں میں مطلع کبھی صاف اور کبھی جزوی طور پر ابر آلود رہنے کی پیشگوئی کی ہے۔

واضح رہے کہ گزشتہ روز سعودی عرب میں ذی الحج کا چاند نظر آنے کے بعد حج کا رکن اعظم وقوف عرفات پیر 20 اگست کو جبکہ عید الاضحیٰ منگل 21 اگست کو ہوگی۔