کرن جوہر شاہ رخ خان کے بیٹے آریان کو متعارف کرائینگے

معروف بھارتی فلم ڈائریکٹرکرن جوہر نےشاہ رخ خان کے بیٹے آریان خان کو جلد فلموں میں متعارف کرانے کی تیاریاں کر رہے ہیں اور یہ تیاریاں مکمل ہونے والی ہیں۔

بھارتی ذرائع ابلاغ کے مطابق فلمساز کرن جوہر جلد شاہ رخ کے بیٹے آریان خان کو ہیرو کے طور پر متعارف کرانے والے ہیں اور ان کی ہیروئن سری دیوی کی دوسری بیٹی خوشی کپور ہوں گی ۔

خوشی کپور کے ڈیبیو کی ذمہ داری بھی کرن جوہر نے اپنے سر لے رکھی ہے اور اسی وجہ سے انہوں نے اب تک دونوں کی انٹری کو خفیہ رکھا ہواہے اوراب کرن جوہر بہتر اسکرپٹ کی تلاش میں ہیں ۔

آریان خان کی فلموں میں آمد کے معاملے پر شاہ رخ خان کا کہنا ہے کہ یہ میرے تینوں بچوں کا اختیار ہے کہ وہ اپنا کیرئر خود منتخب کریں اس معاملے پر وہ مکمل طور پر خود مختار اورآزاد ہیں۔