پنجاب فوڈ اتھارٹی کی ناشتہ پوائنٹس کی چیکنگ مہم

پنجاب فوڈ اتھارٹی نے لاہور سمیت مختلف شہروں میں ناشتہ پوائنٹس کی چیکنگ کے دوران ناقص صفائی اور حفظان صحت کے اصولوں کی خلاف ورزی پر دو پوائنٹس کو سیل اور متعدد کو جرمانے کردئیے ۔

ڈی جی فوڈ اتھارٹی محمد عثمان کے مطابق لاہور میں لکشمی چوک، انارکلی اور اندرون شہر سمیت مختلف مقامات پر ناشتہ پوائنٹس کو چیک کیا گیا۔

لکشمی چوک میں معروف سوئیٹس شاپ اور چنے فروخت کرنے والے ایک پوائنٹ کے پروڈکشن یونٹ کوسیل کردیا گیا جبکہ متعدد مقامات پر ناشتہ فروخت کرنے والوں کو جرمانے کیے گئے۔

ڈی جی فوڈ اتھارٹی کا کہنا ہے کہ مسلسل چیکنگ سےناشتہ پوائنٹس کا معیار دن بدن بہتر ہو رہا ہے ۔