آپ آف لائن ہیں
جنگ ای پیپر
جمعرات17؍رمضان المبارک 1440ھ 23؍مئی 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مصنّفہ: نگہت سلیم

صفحات: 257، قیمت: 500روپے (12امریکن ڈالر)

برائےرابطہ:الطارق پبلی کیشنز،78-پی ای سی ایچ ایس،بلاک3،ہل پارک،روہیل کھنڈ سوسائٹی،کراچی

ہمارے عہد کے بڑے افسانہ نگاروں کے اُٹھ جانے کے بعد، اُردو افسانے کے دامن میں اچھی کہانیوں کا کال نظر آتا ہے، مگر کچھ افسانہ نگاروں نے اس خلاء کو پُر کرنے کی کوشش کی ہے۔ خالدہ حسین کے بہ قول، ’’اُردو افسانے میں بھی وقتاً فوقتاً جگنو چمکتے رہتے ہیں۔ ‘‘نئے لکھنے والوں نے اپنے آپ کو منوایا بھی ہے اور اپنا ایک حلقہ بھی پیدا کیا ہے، اُن ہی میں ایک نام، نگہت سلیم کا بھی ہے۔ ادبی رسائل میں ان کے افسانے گاہے بہ گاہے شایع ہوتے رہتے ہیں۔ انہوں نے اپنی تحریر کا ایک خاص معیار مقرر کیا ہے۔ فلیپ پر درج ڈاکٹر شاہین مفتی کی رائے کے مطابق، ’’اینٹ سے اینٹ جڑے دہری نفسیات کے صاف ستھرے پلاٹ، مناسب الفاظ، خفیف اشارے، قابلِ فہم علامتیں اور خالص علوم سے سجی دانائی ان افسانوں کا وصف ہے۔‘‘ اس مجموعے میں چھے افسانے اور تین ناولٹ شامل ہیں۔جس ناولٹ کے عنوان پر مجموعے کا نام رکھا گیا ہے، وہ سقوط ڈھاکا کے پسِ منظر میں لکھا گیا ہے۔ کتاب کی طباعت و اشاعت معیاری اور قیمت بھی مناسب ہے۔

Chatاپنی رائے سے آگاہ کریں