• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شہید بینظیر بھٹو کی برسی کی تقریب میں بھرپور شرکت کرینگے،یونس ملازئی

میرا شہر
کوئٹہ
26 دسمبر ، 2018
کوئٹہ(پ ر)پیپلز پارٹی کے سینئر رہنما و سابق صوبائی وزیر محمد یونس ملازئی نے کہا ہے کہ بلوچستان سے کارکنوں کے قافلے بی بی شہید کی برسی کی تقریب میںبھرپور شرکت کریں گے۔ شہید باپ کی شہید بیٹی کی جمہوریت کیلئے قربانیوں کو کبھی فراموش نہیں کیا جاسکتا۔ ملک میں جمہوری اقدار کی بحالی اور عوام کے حقوق کیلئے بھٹو خاندان کی خدمات کسی سے پوشیدہ نہیں۔ ان خیالات کا اظہار انہوں نے مختلف وفود سے گفتگو کرتے ہوئے کیا۔ انہوں نے کہا کہ بلوچستان سے پیپلز پارٹی کے کارکنوں کے قافلے شہید بینظیر بھٹو کی برسی کی تقریب جو27دسمبر کو گڑھی خدا بخش میں ہوگی میں شرکت کیلئے روانہ ہونگے۔ انہوں نے کہا کہ شہید قائد اور ان کی شہید بیٹی کی محبت عوام کے دلوں سے کوئی نکال نہیں سکتا۔ ملک میں جمہوریت کی بحالی کیلئے پیپلز پارٹی اور اس کے قائدین کی قربانیوں سے تاریخ بھری پڑی ہے۔آج بی بی شہید کے بیٹے بلاول بھٹو کی قیادت میں پارٹی عوام کے حقوق اور جمہوریت کے خلاف سازشوں کا ڈٹ کر مقابلہ کررہی ہے۔ انہوں نے کہا کہ حکومت ملک کو بحرانوں سے نکالنے میں ناکام ہوگئی۔ سوروزہ حکومتی پلان صرف کاغذوں تک محدود ہے جبکہ مہنگائی نے عوام کا جینا دوبھر کردیا۔
تازہ ترین