کابینہ کے اجلاس میں صدر ٹرمپ نے سابق سوویت یونین اور افغان جنگ کے موضوع پر جو اظہار خیال کیاجس نے سب کو حیران کردیا ۔
ان کا کہنا تھا کہ امریکا طالبان سے اور دوسرے لوگوں سے مذاکرات کررہا ہے ۔ روس کبھی سوویت یونین تھا ۔ افغانستان نے اسے روس بنایا کیونکہ سوویت یونین افغانستان میں جنگ لڑتے ہوئے دیوالیا ہوگیا تھا ۔
صدر ٹرمپ کا کہنا تھا کہ روس افغانستان میں اس لیے گیا تھا کہ دہشت گرد روس میں داخل ہورہے تھے ۔ روس کو افغانستان میں مداخلت کا حق تھا ۔
صدر ٹرمپ کے اس بیان پر ناقدین کا کہنا ہے کہ ٹرمپ نے یہ باتیں کرکے افغانستان میں نہ صرف سابق سوویت یونین کی مداخلت جائز قرار دے دی ہے ۔ بلکہ ان کا مقصد افغانستان سے امریکی فوج کی واپسی کی راہ بھی ہموار کرنا ہے ۔
امریکی صدر ڈونلڈ ٹرمپ افغانستان میں سابق سوویت یونین کی مداخلت کے معاملے پر ان کے حالیہ ارشادات نے تاریخ دانوں کو بھی سر پکڑنے پر مجبور کردیا ۔