زرین خان نے بدتمیزی پر تھپڑوں کی بارش کردی

بالی ووڈ اداکارہ زرین خان نے مداح کو بد تمیزی کرنے پر تھپڑ ماردیا، ویڈیو منظر عام پر آنے کے بعد سوشل میڈیا پر وائرل ہوگئی ہے۔

میڈیا رپورٹس کے مطابق اداکارہ بھارتی شہر اورنگ آباد میں ایک اسٹور کی لانچ کے لیے پہنچی تھیں، اس دوران مداحوں کی بڑی تعداد میں موجودگی کی وجہ سے زرین خان کواپنی گاڑی تک واپس جانا خاصہ دشوار ثابت ہوا۔

اس دوران ایک نوجوان نے زرین خان سے بد تمیزی کی تو اداکارہ نے اس پر تھپڑوں کی بارش کردی۔

اس حوالے سے زرین خان کا کہنا تھا کہ ’کبھی کبھار ہمیں معاملات کو اپنے ہاتھوں میں لینا ضروری ہوجاتا ہے۔

انہوں نےکہاکہ ایک خاتون ہونے کی حیثیت سے میں نے ہمیشہ یہی سوچا ہے کہ اگر کوئی مجھے ہراساں کرنے کی کوشش بھی کرے گا تو میں اسے وہیں سبق سکھا دوں گی۔

یاد رہے کہ گزشتہ سال زرین خان اس وقت مشکل کا شکار ہوئی تھیں جب ایک موٹر سائیکل سوار شخص ان کی گاڑی سے ٹکرانے کے باعث جان سے ہاتھ دھو بیٹھا تھا۔