سانحہ ساہیوال جے آئی ٹی میں 2 ارکان کا اضافہ، نوٹیفکیشن جاری

21 جنوری ، 2019

محکمہ داخلہ پنجاب سانحہ ساہیوال کی تحقیقات کےلئے بنائی گئی جے آئی ٹی میں 2 ارکان کا اضافہ کرتے ہوئے نوٹیفکیشن جاری کردیا ہے۔

جے آئی ٹی میں ڈی ایس پی انویسٹی گیشن برانچ خالد ابوبکر اور فلک شیر ڈی ایس پی صدر ساہیوال کا نام بھی شامل کیا گیا۔

محکمہ داخلہ پنجاب نے سانحہ ساہیوال پر جے آئی ٹی کی معاونت کےلئے 5 تھانے دار مقرر کردیے گئے ہیں۔

محکمہ داخلہ کے نوٹیفکیشن کے مطابق ساہیوال سے انسپکٹر امداد حسین اور سب انسپکٹر ریاض احمد جبکہ انویسٹی گیشن برانچ آئی جی آفس سے انسپکٹر منظور احمد اور ایس آئی رانا محمد یونس جے آئی ٹی میں شامل کے گئے ہیں۔

انویسٹی گیشن ہیڈکوارٹر لاہور سے اے ایس آئی زاہد اقبال بھی جے آئی ٹی کا حصہ بنا ئے گئےہیں،5 رکنی جے آئی ٹی کی سربراہی ایڈیشنل آئی جی سید اعجاز حسین کر رہے ہیں۔

جبکہ ڈی ایس پی خالد ابوبکر اور ڈی ایس پی فلک شیر کے ساتھ دو خفیہ ایجنسیوں کے نمائندے بھی ٹیم میں شامل ہیں۔

تازہ ترین