’بھارت نے پسندیدہ ترین ملک کادرجہ ختم کرنےکا نہیں بتایا‘

17 فروری ، 2019

تجارت کے لیے وزیراعظم کے مشیر عبدالرزاق داؤد کہتے ہیں بھارت نےتجارت کے لیے پاکستان کو پسندیدہ ترین ملک کادرجہ ختم کرنےسےآگاہ نہیں کیا، اس معاملے پر نئی دلی سے بات ہوسکتی ہے، پاکستان یہ مسئلہ ورلڈ ٹریڈ فورم پر بھی اٹھا سکتا ہے۔

عبدالرزاق داؤد کا میڈیا سے گفتگو میں کہنا تھا کہ پاکستان کاایم ایف این اسٹیٹس ختم کرنےکاجائزہ لے رہے ہیں، ہم بھارت سے ایم ایف این معاملے پربات کرسکتے ہیں، پاکستان اس معاملے کو مختلف فورمز پر اٹھا سکتا ہے۔

انہوں نے کہا کہ پاکستان اور بھارت دونوں ورلڈ ٹریڈ فورم کے رکن ہیں۔

یاد رہے کہ مقبوضہ کشمیر میں خودکش حملے میں 44 بھارتی سیکیورٹی اہلکاروں کی ہلاکت کے بعد بھارتی وزیر خزانہ ارون جیٹلے نے اعلان کیا تھا کہ وہ پاکستان کو دیا گیا ایم ایف این اسٹیٹیس واپس لے رہے ہیں جس کا اطلاق فوری ہوگا۔

ایم ایف این اسٹیٹس ختم ہونے کے بعد بھارت کو درآمد کردہ پاکستانی مصنوعات پر کسٹم ڈیوٹی میں 200 فیصد اضافہ کردیا گیا ہے۔

تازہ ترین