’میں بے نظیر بھٹو کا سپاہی ہوں، ڈرتا نہیں‘

آمدن سے زائد اثاثوں کے الزام میں گرفتاراسپیکر سندھ اسمبلی آغا سراج درانی نے کہا ہےکہ میں جیالا ہوں شہید بے نظیر بھٹو کا سپاہی ہوں ڈرتا نہیں۔

گزشتہ روز گرفتار کئے گئے آغا سراج درانی کی آج کراچی کی احتساب عدالت میں پیشی تھی ، عدالت نے ان کو یکم مارچ تک نیب کے حوالے کر دیا ۔

آغا سراج درانی یکم مارچ تک نیب کے حوالے

آمدن سے زائد اثاثوں کے الزام میں گرفتاراسپیکر...

انہوں نے احتساب عدالت میں میڈیا سے غیر رسمی گفتگو کرتے ہوئےکہا کہ مجھے پتہ ہی نہیں کہ مجھ پر کیا الزامات ہیں۔

انہوں نےمزید کہا کہ مجھے نیب کی طرف سےکھبی نوٹس نہیں ملا،یہ جھوٹ ہے کہ میں کسی انکوائری میں تعاون نہیں کررہا۔

آغا سراج درانی ے کہا  کہ ان کے گھرمیں بچوں کوبند کرکے 6 گھنٹے تک کارروائی کی گئی۔گھر کی بے حرمتی کی گئی،نہیں پتا کہ یہ کیا ڈرامہ تھا۔