بلاول وزیروں کے کالعدم تنظیموں کیساتھ رابطے کے بیان پر قائم

پیپلزپارٹی کے چیئرمین بلاول بھٹو زرداری وفاقی کابینہ کے تین وزیروں کے کالعدم تنظیموں کے ساتھ رابطے کے اپنے بیان پر آج بھی قائم ہیں۔

بلاول بھٹو زرداری نے کہا کہ وفاقی کابینہ کے تین وزیروں کا رابطہ کالعدم تنظیموں کے ساتھ ہے۔

چیئرمین پی پی نے کہا کہ ایک وزیر کی سوشل میڈیاپر وڈیو بہت وائرل ہوئی، وہ وزیر ایک کالعدم تنظیم سے کہتاہے جب تک ہماری حکومت ہے آپ کےخلاف کارروائی نہیں کریں گے۔

انہوں نے کہا کہ اس قسم کے لوگوں کو نئے پاکستان کی کابینہ میں نہیں ہونا چاہئے۔

چیئرمین پی پی نے کہا کہ کالعدم تنظیموں کے خلاف کارروائی اپوزیشن کا مطالبہ ہے ہمیں حکومت کی نیت پر شک ہے۔

بلاول وزراء سے متعلق ثبوت پیش کریں، علی محمد خان

وزیرمملکت برائے پارلیمانی امور علی محمد خان نے...

انہوں نے کہا کہ جعلی بینک اکاؤنٹس کیس کو راولپنڈی منتقل کرنا بنیادی حقوق کی خلاف ورزی ہوگی۔

بلاول بھٹو نے کہا کہ غریبوں کو مدد دینے کے بجائے ان کامعاشی قتل کیا جارہاہے، حکومت کو پہلے انسان پھرحکمران بننا چاہئے۔

چیرمین پی پی نے کہا کہ حکومت کو ہوش کے ناخن لینے چاہئیں جبکہ غیرسنجیدہ وزراء اور غیر ذمے دار وزراء کو ہٹا دینا چاہیے۔