’’ نیب برابری کی سطح پر تحقیقات کرے‘‘

سابق وزیر اعظم اور پیپلز پارٹی کے رہنما راجہ پرویز اشرف کہتے ہیں کہ نیب سے ایک ہی مطالبہ کیا ہے کہ برابری کی سطح پر تحقیقات کرے۔

سکھر میں سابق وزیر اعظم راجہ پرویز اشرف نے میڈیا سے گفتگو کرتے ہوئے مزید کہا کہ پاکستان پیپلز پارٹی اپنا حق اور فرض ادا کرتی رہے گی۔

انہوں نے کہا کہ ڈالر کی قیمت میں اضافے پر وزراء کہتے ہیں کہ انہیں علم نہیں، اب ان کے اندر ہی لڑائی شروع ہو گئی ہے۔

راجہ پرویز اشرف نے یہ بھی کہا کہ عمران خان نے کہا تھا کہ جس دن وہ اقتدار میں آئیں گے 2سو ارب ڈالر آجائیں گے،خان صاحب کی ہر بات کا جواب دینا ضروری نہیں۔