• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشاور، اسسٹنٹ ڈائریکٹر ایف آئی اے نے سائیکل چور کو رنگ ہاتھوں پکڑ لیا

میرا شہر
پشاور
15 اپریل ، 2019
پشاور( کرائم رپورٹر) حیات آباد میں اسسٹنٹ ڈائریکٹر ایف آئی اے نے پولیس کی ذمہ داری سنبھالتے ہوئے سائیکل چور کو گرفتارکرکے پولیس کے حوالے کردیا ۔اسسٹنٹ ڈائریکٹر ایف آئی اے افتخار نے حیات آباد پولیس کو بتایا کہ گزشتہ دنوں حیات آباد محمد زئی مارکیٹ میں چوروں نے اس کے بیٹے احمد زریاب کو سائیکل سے محروم کردیا تھا جب وہ مارکیٹ آیا تو دکانداروں نے بتایا کہ یہاں پر چوری اور رہزنی کے واقعات میں اضافہ ہوا ہے جس پر انہوں نے چور کا سراغ لگانے کے لئے اپنے دوسرے بیٹے کی سائیکل کھڑی کی اور خو د خفیہ طریقے سے نگرانی کرتا رہا اس دوران جب چور آیا اور سائیکل چوری کرکے فرار ہو رہا تھا تو اس نے رنگے ہاتھوں پکڑ کر پولیس کے حوالے کردیا پولیس نے ملزم عبدالمالک سکنہ گل آباد کے خلاف مقدمہ درج کرکے اس کے ساتھیوں کی تلاش شروع کردی۔
تازہ ترین