سانحہ کرائسٹ چرچ: متاثرہ شخص کا حملہ آورکیلئے سزائے موت کا مطالبہ

15 اپریل ، 2019

سانحہ کرائسٹ چرچ کےمتاثرہ شخص وسیم السنتی نے حملہ آور برینٹن ٹیرنٹ کے لیے موت کی سزا کا مطالبہ کیا ہے۔

میڈیا رپورٹس کے مطابق وسیم السنتی کا کہنا ہے النور مسجد کے باہر وہ اور اُن کی پانچ سالہ بیٹی فائرنگ سے زخمی ہوئے، حملہ آور نے پہلے ان کی بیٹی کو نشانہ بنایا اور پھر اُن پر فائرنگ کی۔

وہاں موجود ایک راہگیر نےدونوں کو فوراً اسپتال پہنچایاجہاں اُن کی بیٹی کی متعدد سرجریز کی جاچکی ہیں تاہم ڈاکٹرز اب بھی اس کی صحت کےبارے میں پریقین نہیں ہیں۔

وسیم السنتی نے وزیراعظم جیسنڈا آرڈرن کے ہمراہ تصاویر بھی شیئرکی ہیں جس میں وہ اُن کی بیٹی کی عیادت کررہی ہیں۔ وسیم کا کہنا تھا کہ وہ ملزم کے لیے موت کی سزا چاہتے ہیں جبکہ نیوزی لینڈ میں موت کی سزا کا قانون موجود نہیں ہے۔

اس حوالے سے اُن کا کہنا ہے کہ قانون میں تبدیلی کی ضرورت ہے۔

تازہ ترین