سحر و افطار دستر خوان

12 مئی ، 2019

نیکیوں کے موسمِ بہار یعنی ماہِ رمضان میں خاص طور پر جمعے اور اتوار دسترخوان پر طرح طرح کے مزے دار پکوانوں اور دیگر لوازمات کی بہار سی ہوتی ہے۔ آج ماہِ صیام کا پہلا اتوار بھی ہے اور مدرز ڈے بھی۔ سو، اسی مناسبت سے چند تراکیب ہماری جانب سے پیشِ خدمت ہیں۔لیجیے، اپنے ہاتھوں سے اپنی پیاری ماں کے لیے افطار و سحر دستر خوان کی کچھ رونق بڑھائیے ۔

سحری کے لیے قیمہ توا کڑاہی

اجزاء: چکن قیمہ ایک کلو،پیاز(باریک کٹی ہوئی) آدھا کپ، ٹماٹر(کاٹ لیں)تین عدد، ہری مرچیں چھے عدد،لہسن، ادرک کا پیسٹ دو چائے کا چمچ، دہی(پھینٹ لیں) آدھا کپ، لال مرچ پاؤڈر ایک چائےکا چمچ، گرم مسالا(پِسا ہوا) ایک چائےکا چمچ، کالی مرچ(کُٹی ہوئی)ایک چائے کا چمچ،ثابت دھنیا ایک چائے کا چمچ،نمک حسبِ ذائقہ، ہرا دھنیا آدھی گڈی اور تیل۔

ترکیب: توے پر تیل گرم کرکےقیمہ بھون لیں۔پھر اس میںپیاز، ادرک، لہسن کا پیسٹ ڈال کر ہلکی آنچ پر اتنا بھونیں کہ پانی خشک ہوجائے۔ اب ٹماٹر، ہری مرچیں، دہی، نمک اورسُرخ مرچ ڈال کردھیمی آنچ پر پکنے دیں۔ آخر میں گرم مسالاچھڑک کر دَم لگا دیں۔

نان پراٹھا

اجزاء: میدہ تین کپ، خمیر، چینی ایک ایک چائے کا چمچ، نمک حسبِ ذائقہ، انڈا (پھینٹ لیں)ایک عدد، کلونجی ایک چٹکی،مکھن چار چائے کےچمچ،نیم گرم پانی حسبِ ضرورت اور تیل ۔

ترکیب: مکھن کے سوا تمام اجزاء مِکس کرکے نیم گرم پانی کے ساتھ آٹاگوندھ کےایک گھنٹے کے لیے رکھ دیں( زیادہ بہتر تو یہی ہے کہ رات ہی میں آٹا گوندھ کر فریج میں رکھ لیاجائے)۔ پھرچھوٹےچھوٹےپیڑے بنا لیں۔ اور ایک پیڑے پرمکھن لگاکے اوپر دوسرا پیڑارکھ کر بیل لیں۔ گرم توے پر فرائی کرلیں۔

افطاری کے لیے پیالا چنا چاٹ

اجزاء: کابلی چنے(اُبلے ہوئے)ایک پاؤ، آلو (اُبال کر چوکور چھوٹے پیس کرلیں) حسبِ ضرورت، دہی ایک پاؤ، پیاز دوعدد، ٹماٹردو عدد، ہری مرچیں چار عدد، ہرا دھنیا (باریک کاٹ لیں) آدھی گڈی، لیموں دوعدد، گول گپّے حسبِ ضرورت، پاپڑی پانچ سے چھے عدد، نمک حسبِ منشاء،چاٹ مسالا حسب ِذائقہ اور پیالےحسبِ ضرورت۔

ترکیب: دہی پھینٹ کرپیالے میںنکال کر فریج میں رکھ دیں۔نیز، پیاز، ٹماٹر اورہری مرچیں بھی باریک کاٹ کر الگ الگ رکھ دیں۔پھرایک باؤل میں چنے، نمک اور لیموں کا رس ڈال کرکے مکس کرلیں۔اب ایک پیالالے کراس کے ایک حصّے میں چنے، دوسرےمیں آلو اور تیسرے میں گول گپّےاور اوپر سے پیاز، ٹماٹر،ہری مرچیں، ہرا دھنیا اور پاپڑی ڈال دیں۔آخر میں چاٹ مسالا چھڑک دیں ۔اسی طرح دیگر پیالے تیار کرلیں،البتہ دہی کاپیالا الگ رکھیں، تاکہ ہر فرد اپنی پسند کے مطابق ڈال سکے۔

انڈوں کے پکوڑے

اجزاء: انڈے (سخت اُبلے ہوئے چھیل کر آدھے انچ کے موٹے قتلے کاٹ لیں) چھے عدد، بیسن ایک کپ، سُرخ مرچ پاؤڈر دو چائے کے چمچ،کارن فلور دو چائے کے چمچ، نمک حسبِ ِضرورت، سویا ساس ایک چائے کا چمچ ، چلی گارلک ساس دو چائے کے چمچ اور تیل۔

ترکیب: ایک باؤل میںبیسن سمیت تمام اجزاء(انڈوں کے علاوہ) ڈال کر گھول لیں اور آدھے گھنٹے کے لیے رکھ دیں۔پھر تیل گرم کرکے انڈوں کا ایک ایک قتلہ بیسن کے آمیزے میں ڈبو کر ہلکی آنچ پہ پکوڑوں کی طرح فرائی کرلیں۔

مکس فروٹ شیک