آپ آف لائن ہیں
پیر2شوال المکرم1441ھ25؍مئی 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

آفریدی نے جو کہا حقیقت اُس سے زیادہ ہے، شعیب اختر

سابق فاسٹ بولر اور راولپنڈی ایکسپریس شعیب اختر نے سابق آل راؤنڈر شاہد آفریدی کی کتاب میں کیے جانے والے انکشافات پر ردعمل دیتے ہوئے کہا ہے کہ آفریدی نے سینئرز کے سخت رویے پر جو کچھ لکھا ہے، حقیقت اس سےکہیں زیادہ ہے، آفریدی کو اس بارے میں کچھ مزید کہنا چاہئے تھا۔

سماجی رابطے کی ویب سائٹ ٹوئٹرپر بیان میں کہا ہے کہ دراصل شاہد آفریدی کو یہ باتیں 20 سال پہلے کہہ دینی چاہئے تھیں، اگر وہ صحیح وقت پر یہ باتیں کہہ دیتے تو اُنہیں کتاب لکھنے کی ضرورت نہیں پڑتی۔


واضح رہے کہ قومی ٹیم کے سابق کپتان شاہد آفریدی نے اپنی سوانح عمری ’گیم چینجر‘ میں لیجنڈری جاوید میانداد ، سابق کوچ وقار یونس اور انضمام الحق سمیت کئی سینئرز کھلاڑیوں کو تنقید کا نشانہ بنایا ہے۔

جاوید میانداد نے ردعمل دیتے ہوئے کہا تھا کہ شاہد آفریدی محض اپنی کتاب کی تشہیر کے لیے ایسا کر رہے ہیں، کتاب میں اُن کی باتیں سن کر ہنسی آتی ہے۔

سابق اوپنر عمران فرحت نے بھی کتاب میں شاہد آفریدی کے انکشافات پر افسوس کا اظہار کیا ہے۔

کھیلوں کی خبریں سے مزید
خاص رپورٹ سے مزید