دبئی :سفاری میں بننے والی فریم نما منفرد عمارت توجہ کا مرکز

دنیا کی بلند ترین عمارت سمیت کئی مشہور تعمیراتی شاہکاروں کی سرزمین دبئی تیزی سے ترقی کے مراحل طے کر رہا ہے۔

اسی سلسلے میں ایک نیا تعمیراتی نمونہ بھی تیار کیاگیا ہے جو ہو بہو دیوہیکل فوٹو فریم سے مشابہہ ہے۔جی ہاں زبیل پارک کے دبئی سفاری میں بننے والی فریم نما منفرد عمارت کے 150میٹر کے دو بلند ٹاورز اس انداز میں بنائے گئے ہیں کہ انہیں آپس میں ملانے کیلئے اوپری سِروں کو ایک پْل سے منسلک کر دیا گیا ہے۔

ایک سو مربع میٹر کے پْل سے جْڑے یہ ٹاور نہایت بلند ہیں جن پر دلکش نقش و نگار اور خوبصورت ڈیزائن ترتیب دیا گیا ہے اور گولڈ واٹر سے پولش کیا گیا ہے،یہ دلکش عمارت رات کے اوقات میں رنگ تبدیل کرتے ہوئے خوبصورت منظر تخلیق کر دیتی ہے، جس میں نصب کردہ جدید لفٹس کی مدد سے پورے شہر کا نظارہ بھی دیکھا جاسکتا ہے۔

حال ہی میں اس شاہکار کو فوٹو فریم سے مشابہہ دنیا کی سب سے بڑی عمارت کے طور پر گنیز بک آف ورلڈ ریکارڈ کا حصہ بنایا گیا ہے۔