بھلوال میں چھوٹے بھائی کے ہاتھوں بڑے بھائی کا قتل

پنجاب کے ضلع سرگودھا کی تحصیل بھلوال میں چھوٹے بھائی نے فائرنگ کر کے بڑے بھائی کو قتل کر دیا۔

مقامی پولیس کے مطابق ملزم بھائی کو قتل کرنے کے بعد باآسانی فرار ہونے میں کامیاب ہو گیا۔

فائرنگ کا واقعہ گھریلو جھگڑے کی وجہ سے پیش آیا، پولیس اس حوالے سے تفتیش کر رہی ہے، مقتول کی لاش کو پوسٹ مارٹم کے لیے اسپتال منتقل کیا گیا ہے۔

قاتل بھائی کو گرفتار کرنے کے لیے پولیس نے تلاش شروع کر دی ہے۔