فرمان الہی
نماز کے اوقات
ملک کے مختلف شہروں میں خوفناک حادثا ت کے نتیجے میں 20افراد جاں بحق جبکہ 40 سے زائد زخمی ہو گئے۔
پولیس کےمطابق افسوس ناک حادثہ موسیٰ خیل روڈپر ڈھک پہاڑی کےمقام پرپیش آیا۔کار میں سوارایک ہی خاندان کے6 افرادراولپنڈی سے عیدمنانے آبائی علاقے پائی خیل آرہےتھے، ٹریلرسےہونےوالےتصادم میں کارمیں سوارمحمد خان ،ان کی بیوی اور2بچےجاں بحق اور 2 بچے زخمی ہو گئے۔
جاں بحق ہونےوالےبچوں میں 14سال کا فیصل 11سال کی جویریہ شامل ہے،لاشوں اور زخمیوں کوڈی ایچ کیو اسپتال میانوالی منتقل کردیاگیاہے،متوفی محمد خان راولپنڈی پولیس میں ملازم تھے۔
بلوچستان کے علاقوں ژو ب اور پنجگور میں ٹریفک کے دو حادثات نے 5 افراد کی جان لے لی جبکہ 3 افراد زخمی ہو گئے۔جان بحق ہونے والے افراد کی لاشیں اور زخمیوں کو ڈی ایچ کیو ژوب منتقل کردیا گیا ۔
دوسرا حادثہ پنجگور میں پیش آیا جہاں پنجگور سے پروم جاتے ہوئے پک اپ گاڈی سورین کے مقام پر بے قابو ہوکر الٹ گئی، گاڈی الٹنے سے 2کمسن طالب علم 8 سالہ عدنان حکیم اور 9 سالہ ادریس رسول جان موقع پر جاں بحق ہوگئے جبکہ ڈرائیور اور 1 بچی شدید زخمی ہوگئے، ز خمی اور لاشوں کو ڈی ایچ کیو ہسپتال پنجگور منتقل کردیا گیا۔
لیویز کے مطابق ژوب میں ڈی آئی خان روڈ پر بے قابو گاڑی نے سڑک کنارے بیٹھے 4 افراد کو کچل دیا، حادثے میں 3 افراد جان بحق جبکہ1 زخمی ہوگیا، سہون میں انڈس ہائی وےپروین اور کارمیں تصادم میں 2 افراد جاں بحق اور8 زخمی ہوگئے۔
پولیس کےمطابق انڈس ہائی وے روڈ پرسن کےقریب وین اور کارکےدرمیان تیزرفتاری کےباعث حادثہ پیش آیا۔حادثےمیں2افراد جاں بحق اور 3بچوں سمیت 8افراد زخمی ہوگئے۔لاشوں اور زخمیوں کو اسپتال منتقل کردیاگیاہے،جاں بحق افراد کی شناخت نہیں ہوسکی۔
سرگودھا میں کوٹ مومن انٹر چینچ کے قریب مسافرکوچ الٹ گئی، حادثےمیں 2مسافر جاں بحق اور7شدید زخمی ہوگئے۔
پولیس کےمطابق روالپنڈی سے خانیوال جانےوالی مسافرکوچ ٹائر پھٹنےکےباعث کوٹ مومن انٹر چینچ کےقریب الٹ گئی،حادثےمیں2مسافر جاں بحق او7 شدید زخمی ہوگئے۔زخمی کو طبی امداد کے لیےقریبی اسپتال منتقل کردیاگیا۔
بورےوالا میں مسافر بس رکشہ کو بچاتے ہوئے الٹ گئی۔حادثےمیں2مسافر جاں بحق اور 25زخمی ہوگئے۔
لاہورسےخانیوال جانےوالی بس مانا موڑ کے قریب رکشہ کوبچاتے ہوئے الٹ گئی۔ حادثےمیں 2 مسافر جاں بحق اور25 زخمی ہوگئے۔زخمیوں کو تحصیل ہیڈ کوارٹر اسپتال بورےوالا منتقل کردیاگیاہے۔
