فرمان الہی
نماز کے اوقات
وزیراعلیٰ پنجاب سردار عثمان بزدارکی ہدایت پر پنجاب میں 177ریسٹ/گیسٹ ہاؤسز کو عوام کیلئے کھول دیا گیا ہے۔
محکمہ جنگلات،جنگلی حیات اورماہی پروری کے 41،محکمہ زراعت کے 17اورمحکمہ آبپاشی کے 90ریسٹ ہاؤسزکو عوام کیلئے کھولا گیا ہے جبکہ محکمہ تعمیرومواصلات کے 10،محکمہ بلدیات کے 15اورمحکمہ لائیوسٹاک و ڈیری ڈویلپمنٹ کے 4ریسٹ ہاؤسز بھی عوام کے لئے کھول دیئے گئے ہیں۔
عوام کیلئے کھولے گئے ریسٹ/گیسٹ ہاؤسز کی تفصیلات متعلقہ محکموں اورٹورازم ڈویلپمنٹ کارپوریشن پنجاب کی ویب سائٹس پر موجود ہیں۔
وزیراعلیٰ پنجاب سردار عثمان بزدارنے کہا کہ وزیراعظم عمران خان کے وژن کے مطابق صوبے کے ریسٹ/گیسٹ ہاؤسز کو عوام کے لئے اوپن کیاگیا ہے۔عوام ویب سائٹس پر ریسٹ ہاؤسز کی تفصیلات دیکھ کربکنگ کراسکتے ہیں۔
انہوں نے کہا کہ صوبے کے دیگرریسٹ ہاؤسز کو بھی جلد عوا م کے لئے کھول دیا جائے گا۔
وزیراعلیٰ نے بعض ریسٹ ہاؤسز و اگزار کرانے کیلئے فوری کارروائی کا حکم دیتے ہوئے کہا کہ قبضہ مافیا کے خلاف سخت قانونی کارروائی کی جائے اورقبضے واگزار کراکررپورٹ وزیراعلیٰ آفس بھجوائی جائے۔
