آپ آف لائن ہیں
جمعرات 22؍ ذی الحج 1441ھ13؍اگست2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

ملکی معیشت کی بہتری کے لیے افواج پاکستان کا بڑا فیصلہ

افواج پاکستان نے ملکی معیشت کی بہتری کے لیے دفاعی اخراجات موخر کرنے اور فوج کے راشن، سفری اخراجات اور انتظامی اخراجات میں کمی کا اعلان کیا ہے۔

وزیراعظم عمران خان نے سوشل میڈیا پر اپنے بیان میں کہا ہے کہ افواج پاکستان نے رضا کارانہ طور پر دفاعی بجٹ میں اضافہ نہ لینے کا فیصلہ کیا ہے، یہ فیصلہ حقیقی قومی ادارے کی حب الوطنی کی عکاسی اور احسن اقدام ہے۔

وزیراعظم نے کہا ہے کہ افواج پاکستان نے کئی سیکورٹی چیلنجز کے باوجود دفاعی اخراجات میں کٹوتی کی، دفاعی اخراجات میں کٹوتی ہماری ملک کی نازک مالی صورتحال کی وجہ سے کی، میں افواج پاکستان کے اس بے مثال رضا کارانہ اقدام کو سراہتا ہوں۔

وزیراعظم نے کہا کہ ہماری حکومت اس رقم کو ضم شدہ قبائلی علاقوں اور بلوچستان کی ترقی پر خرچ کرے گی۔


ذرائع کا کہنا ہے کہ افواج پاکستان نے راشن، سفری الاؤنس اور انتظامی اخراجات میں کمی کا فیصلہ بھی کیا ہے۔

قومی خبریں سے مزید