فرمان الہی
نماز کے اوقات
قومی کرکٹ ٹیم کے سابق کپتان و کوچ وقار یونس کا کہنا ہے کہ پاکستان کر کٹ ٹیم میں جو پریشر برداشت کرگیا وہ عظیم کھلاڑیوں کی فہرست میں آجائے گا۔
وقار یونس نے کہا کہ پلیئرز کو پریشر سے ڈیل کرنا سیکھنا ہوگا عدم تسلسل کا ٹیگ ایک بار پھر پاکستان ٹیم کے ساتھ لگ گیا ہے،عدم تسلسل کا مسئلہ سسٹم کی وجہ سے ہے، نوجوان پلیئرز بغیر سسٹم کے ٹیم میں آتے ہیں۔
انہوں نے کہا کہ پاکستان کی پچھلے دو میچز میں کارکردگی ایک دوسرے کے برعکس رہی ہے، پاکستان ٹیم ہمیشہ ایسے ہی پرفارم کرتی رہی ہے۔
سابق کپتان قومی ٹیم نے کہا کہ سری لنکا خطرناک ٹیم نہیں لیکن پاکستان اسے آسان نہیں لے سکتا، ٹورنامنٹ میں کسی بھی ٹیم کو آسان لینا غلط ہوگا۔
وقار یونس نے کہا کہ خراب آغاز کے بعد شاندار فتح سے ٹیم کے حوصلے بلند ہوئے ہوں گے، سری لنکا کے لاستھ ملنگا نے بتادیا ہے کہ اب بھی اس میں دم ہے۔
انہوں نے کہا کہ آسٹریلیا اور بھارت جیسی مضبوط ٹیموں کیخلاف میچ سے قبل سری لنکا سے جیت ضروری ہے۔
