آپ آف لائن ہیں
جنگ ای پیپر
منگل21؍شوال المکرم 1440ھ 25؍جون 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
ہیلی فیکس (نمائندہ جنگ) پاکستان مسلم لیگ ن برطانیہ یوتھ ونگ نارتھ اینڈ بھمبر کے صدر اسد سجاد بٹ نے کہا ہے کہ حکومت اپوزیشن کے ساتھ انتقامی کارروائی پر اتر آئی ہے۔ اپوزیشن کے رہنمائوں کی گرفتاری کا مقصد بجٹ سے عوام کی توجہ دوسری طرف کرنا ہے، لیکن حکومت یاد رکھے کہ یہ بجٹ غریبوں کو ختم کرنے کے لئے پیش کیا گیا ہے جسے اپوزیشن کسی صورت منظور نہیں ہونے دے گی۔ ان کا کہنا تھا کہ اپوزیشن پر جھوٹے مقدمات بنائے جارہے ہیں۔ اسد بٹ کا کہنا تھا کہ قائد پاکستان مسلم لیگ ن میاں نوازشریف عوام کے دلوں میں بستے ہیں اور وہ وقت دور نہیں وہ عوام میں ہوں گے۔ انہوں نے کہا کہ گزشتہ روز کا مریم نواز کا جلسہ عام حکومت کی آنکھیں کھولنے کے لئے کافی ہے۔ این آر او کی باتیں کرنے والے خود کو دیکھیں وہ کسی کو کیا این آر او دیں گے، حکومت خود چند ووٹوں کی محتاج ہے۔ ان کا کہنا تھا کہ اس حکومت کو لانے والے آج خود شرمندہ ہیں۔

Chatاپنی رائے سے آگاہ کریں