ممبئی میں شدید بارش، حادثات میں 18افراد ہلاک

بھارت کے شہرممبئی میں پانچ روز سے جاری شدید بارشوں نے تباہی مچا دی،مختلف حادثات میں18 افراد ہلاک ہوگئے۔

بھارتی میڈیا کے مطابق ممبئی میں پانچ روز سے جاری بارشوں سے نظام زندگی مفلوج ہوگیا ہے، شہر کےاسکول اور دفاتر بند ہیں جب کہ اہم شاہراہیں بھی تالاب کا منظر پیش کررہی ہیں۔

بھارت:بارش کے باعث دیوار گر گئی،17افراد ہلاک

بھارتی ریاست مہاراشٹرا میں بارش کے باعث رہائشی...

ممبئی میں کل سے اب تک 375اعشاریہ2 ملی میٹر بارش ریکارڈ کی گئی جب کہ کئی فٹ طویل دیوار گرنے سے متعدد گاڑیاں ملبے تلے دب گئیں۔

عوام کو گھروں میں رہنے کی ہدایات دی گئی ہیں جبکہ ممبئی ایئرپورٹ پر52پروازیں منسوخ اور54پروازوں کا رخ موڑ دیاگیا ہے ۔

شہرمیں ٹرانسپورٹ،ریل کانظام متاثر ہے اور سڑکوں پر پانی کھڑا ہے۔

 محکمہ موسمیات نے مزید دوروز تک شدید بارش کی پیش گوئی کی ہے۔