آپ آف لائن ہیں
جنگ ای پیپر
اتوار 23؍ذوالحجہ 1440ھ 25؍اگست 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پنجاب کے شہر ملتان میں بہاول پور روڈ پر بستی ملوک کے نزدیک مسافر وین اور ٹرک کے درمیان ٹکر ہو گئی جس کے نتیجے میں 2 مسافر جاں بحق اور 8 زخمی ہو گئے۔

ریسکیو ذرائع کے مطابق مسافر وین تیز رفتاری کے باعث ٹرک سے ٹکرا گئی جس کے نتیجے میں 2 مسافر موقع پر ہی جاں بحق ہو گئے۔

حادثے کے 6 زخمیوں کو ملتان کے نشتر اسپتال منتقل کیا گیا جبکہ 2 معمولی زخمیوں کو موقع پر ہی طبی امداد دے دی گئی۔

نشتر اسپتال میں داخل کرائے جانے والے زخمیوں میں سے 2 کی حالت نازک بتائی گئی ہے۔

پولیس کے مطابق حادثے کے فوری بعد ٹرک کا ڈرائیور موقع سے فرار ہو گیا جسے گرفتار کرنے کی کوشش کی جا رہی ہے۔

قومی خبریں سے مزید