سلامتی کونسل بھارتی جنگی جنون کا نوٹس لے، شہباز شریف

قائد حزب اختلاف شہباز شریف نے سلامتی کونسل سے بھارتی جنگی جنون کا نوٹس لینے کا مطالبہ کردیا۔

ایک بیان میں شہباز شریف نے ایل او سی پر بھارت کی بلااشتعال فائرنگ کی مذمت کی ہے۔

انہوں نے کہا کہ دنیا بھارتی جنونیت اور انتہا پسندی کو روکے ورنہ سب کو خمیازہ بھگتنا ہوگا، اقوام متحدہ کی سلامتی کونسل کو بھارتی جنگی جنون کا نوٹس لینا چاہیے۔

شہباز شریف نے مزید کہا کہ بھارت کے اوچھے ہتھکنڈے مقبوضہ کشمیر میں مظالم سے دنیا کی توجہ نہیں ہٹاسکتے۔