حسن علی کو نکاح کے لیے 7دن کی چھٹی مل گئی

قومی کرکٹ ٹیم کے فاسٹ بولر حسن علی کو نکاح کے لیے 7 روز کی چھٹی مل گئی۔

پاکستان کرکٹ بورڈ ( پی سی بی) نے 19 اگست سے پری سیزن کیمپ کا اعلان کر رکھا ہے جبکہ حسن علی کا نکاح 20 اگست کو طے ہے۔

حسن علی کو 20 اگست کو ہونے والی اپنے نکاح کی تقریب کےلئے 7 دن کی چھٹی مل گئی ہے۔

حسن علی نے نکاح کے باعث پری سیزن کیمپ میں شرکت سے چھٹی کی درخواست دی تھی جو پی سی بی نے منظور کرلی ہے۔

پری سیزن کیمپ کے پہلے دو دن فٹنس ٹیسٹ کے لیے مخصوص ہیں تاہم حسن علی کیمپ جوائن کرنے کے بعد ٹیسٹ دیں گے، وہ نکاح کے بعد 26 اگست کو پری سیزن کیمپ جوائن کریں گے۔