آپ آف لائن ہیں
جنگ ای پیپر
منگل23؍جمادی الثانی 1441ھ 18؍ فروری2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

مود ی کے اقدامات نے خطے میں عدم استحکام پیدا کردیا، سعید مغل

برمنگھم(ابرار مغل)بھارتی وزیراعظم نریندر مودی نے اپنے مذموم مقاصد اور مسلمانوں کی نسل کشی کیلئے مقبوضہ ریاست جموں و کشمیر کی آئینی حیثیت ختم کی ہے۔ آرٹیکل 370اور 35A کے خاتمے سے جنوبی ایشیا میں عدم استحکام اور بے چینی کی نئی لہر پیدا ہوچکی ہے۔ مقبوضہ کشمیر کے عوام کسی بھی صورت مودی کے اس ظالمانہ اقدام کو تسلیم نہیں کریں گے، طاقت کے استعمال سے کشمیر جنوبی ایشیاء کا فلسطین بن جائے گا، بھارت کی بڑھتی جارحیت اور ریاستی دہشت گردی کے خلاف منقسم کشمیریوں کو متحد ہوکر اپنی آزادی کی جنگ لڑنی ہوگی۔ ان خیالات کا اظہار محمد سعید مغل ایم بی ای نے موجودہ صورتحال سے نمٹنے کیلئے آزاد کشمیر میں پیپلزنیشنل الائنس اتحاد کے قیام کو سراہتے ہوئے ایک بیان میں کیا۔ انہوں نے کہا کہ ممتاز قانون دان و سابق صدر میرپور بار کو چیئرمین نامزد کرنے سے کشمیریوں کی تحریک کو نئی جہت ملے گی، محمد سعید مغل نے کہا کہ اس وقت کشمیریوں کو اتحاد کی ضرورت ہے۔ انہوں نے کہا کہ پیپلزنیشنل الائنس اتحاد کی نہ صرف حمایت کرتے ہیں بلکہ برطانیہ میں بھی اتحاد کے قیام کو یقینی بنایا جائے گا۔

یورپ سے سے مزید