جنرل قمر جاوید باجوہ مزید 3 سال کیلئے آرمی چیف مقرر

وزیراعظم عمران خان نے جنرل قمر جاوید باجوہ کو مزید 3سال کے لیے آرمی چیف مقرر کردیا ہے۔

وزیراعظم آفس نے جنرل قمر جاوید باجوہ کی بطور آرمی چیف مزید 3سال کی تقرری کا نوٹیفکیشن جاری کردیا ہے۔

وزیراعظم نے جنرل قمر جاوید کو مزید 3سال کےلیے آرمی چیف رکھنے کا فیصلہ ملکی اور خطے کی سلامتی صورتحال کے پیش نظر کیا ہے۔

وزیراعظم آفس کے مطابق وزیراعظم نے فیصلہ ملک اور خطے میں جاری امن کی کوششوں کے تسلسل میں کیا۔