مکران کوسٹل ہائی وے پر بس کو حادثہ، 1 مسافر جاں بحق

بلوچستان کے علاقے پسنی کے قریب مکران کوسٹل ہائی وے پر مسافر بس کو حادثہ پیش آیا ہے جس کے باعث ایک مسافر جاں بحق جبکہ 10 زخمی ہو گئے۔

پولیس کے مطابق مکران کوسٹل ہائی وے پر کراچی سے گوادر جانے والی مسافر کوچ کا ٹائر پھٹ گیا جس کے نتیجے میں بس الٹ گئی۔

بس الٹنے کے نتیجے میں موقع پر ہی ایک مسافر جاں بحق ہو گیا، حادثے میں 10 افراد زخمی بھی ہوئے ہیں۔

حادثے کی شکار بس کراچی سے گوادر جا رہی تھی، جس کے زخمیو ں کو پسنی اسپتال منتقل کر دیا گیا ہے۔