آپ آف لائن ہیں
جنگ ای پیپر
جمعہ 18؍ صفر المظفّر 1441ھ 18؍ اکتوبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

کرکٹ آسٹریلیا کا وفد 17ستمبر کو پاکستان آئے گا

کرکٹ آسٹریلیا کے چیف ایگزیکٹو کیون رابرٹس ایک روزہ دورے پر 17ستمبر کو پاکستان پہنچیں گے۔

پاکستان کرکٹ بورڈ کی جانب سے دوسرے ممالک کے بورڈز کی اعتمادی سازی مہم کے سلسلے میں کرکٹ آسٹریلیا کا اعلیٰ سطحی وفد 17ستمبر کو اسلام آباد پہنچ رہا ہے۔

پی سی بی کے مطابق کرکٹ آسٹریلیا کے چیف ایگزیکٹو کیون رابرٹس کے ہمراہ سیکیورٹی مینجر شان کیرل بھی ہوں گے۔

کرکٹ آسٹریلیا کے عہدیداران ایک روزہ دورے پر پاکستان آ رہے ہیں، وہ چیئرمین پی سی بی احسان مانی اور چیف ایگزیکٹو وسیم خان سے ملاقاتیں کریں گے۔

آسٹریلوی بورڈ کے عہدیداروں کو سیکیورٹی پر بریفنگ دی جائے گی جبکہ کیون رابرٹس اور شان کیرل کی حکومتی عہدیداروں سے بھی ملاقات کرائی جائے گی۔

پاکستان اور آسٹریلیا کے درمیان سیریز 2022 میں شیڈول ہے، پی سی بی آسٹریلین ٹیم کی میزبانی پاکستان میں کرنے کا خواہشمند ہے۔

آئندہ ماہ انگلینڈ کرکٹ بورڈ کا اعلیٰ سطح کا وفد بھی پاکستان آئے گا۔

کھیلوں کی خبریں سے مزید