آپ آف لائن ہیں
جنگ ای پیپر
جمعرات25؍جمادی الثانی 1441ھ 20؍فروری 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

فضل الرحمٰن سے ملاقات پر شہباز شریف نے نواز شریف کو اعتماد میں لیا

فضل الرحمٰن سے ملاقات پر شہباز شریف نے نواز شریف کو اعتماد میں لیا
فائل فوٹو

اپوزیشن لیڈر شہباز شریف نے سابق وزیراعظم نواز شریف کو جمعیت علماء اسلام (ف) کے سربراہ مولانا فضل الرحمٰن سے ہونے والی ملاقات پر اعتماد میں لیا۔

شہباز شریف کوٹ لکھپت جیل میں نواز شریف سے ملاقات کی، اس موقع پر ن لیگ کے سینئر رہنما احسن اقبال اور خواجہ محمد آصف بھی موجود تھے۔

پارٹی ذرائع کے مطابق اپوزیشن لیڈر نے سابق وزیراعظم کو مولانا فضل الرحمٰن سے گزشتہ روز ہونے والی ملاقات اور آئندہ ماہ کے آزادی مارچ سے متعلق گفتگو پر اعتماد میں لیا۔

ذرائع کے مطابق شہباز شریف، احسن اقبال اور خواجہ محمد آصف نے نواز شریف سے ڈیڑھ گھنٹے کی ملاقات کی، بعد ازاں اعظم نذیر تارڑ، امجد پرویز اور خواجہ حارث بھی ملاقات میں شامل ہوگئے۔

ملاقات میں نواز شریف کی 18ستمبر کی پیشی پر قانونی مشاورت کے ساتھ ملک کی سیاسی صورتحال پر بھی تبادلہ خیال کیا گیا۔

ذرائع کے مطابق شہباز شریف نے بڑے بھائی سے ملاقات سے قبل اپنے صاحبزادے حمزہ شہباز سے بھی جیل میں ملاقات کی۔

قومی خبریں سے مزید