آپ آف لائن ہیں
ہفتہ14؍شوال المکرم 1441ھ6؍جون 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

اوورسیز کمیونٹی کشمیریوں کی آواز کو عالمی سطح پر بلند کررہی ہے، راجہ اشتیاق خان

برمنگھم (نمائندہ جنگ) مقبوضہ کشمیر میں بھارتی مظالم تیزی سے بے نقاب ہورہے ہیں۔ مغرب سمیت پوری دنیا بھارت کا اصل چہرہ دیکھ رہی ہے۔ 40دن سے زائد عرصہ گزر جانے کے باوجود بھی کشمیری عوام ظلم و جبر کے سامنے ڈٹے ہوئے ہیں۔ پاکستانی اوورسیز کمیونٹی کشمیریوں کے ساتھ ہے اور ان کی آواز کو عالمی سطح پر بلند کررہے ہیں۔ ان خیالات کا اظہار قائداعظم ٹرسٹ برطانیہ کے چیئرمین راجہ محمد اشتیاق خان نے پاک کشمیر بزنس فورم کے چیئرمین و معروف کاروباری شخصیت الحاج راجہ محمود خان کی جانب سے منعقدہ ایک تقریب سے خطاب کرتے ہوئے کہا۔ اس تقریب میں راجہ ذوالقرنین خان، کبیر کیانی، راجہ امتیاز خان، راجہ شاہنواز کیانی سمیت کثیر تعداد نے شرکت کی۔ راجہ محمود خان نے کہا کہ مظلوم و محکوم کشمیریوں کو تنہا نہیں چھوڑیں گے۔ آزادی کشمیر تک برطانیہ میں مظاہروں کا سلسلہ جاری رکھا جائے گا۔ انہوں نے کہا کہ کرفیو اور بدترین مظالم کے باوجود بھارت کشمیریوں کے جذبہ حریت کو ٹھنڈا نہ کرسکا۔
یورپ سے سے مزید