آپ آف لائن ہیں
جمعرات17؍ذیقعد 1441ھ9؍جولائی2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

متحدہ کے سعید بھرم کی سزا کیخلاف اپیل مسترد

سندھ ہائیکورٹ نے ایم کیو ایم حقیقی کے کارکن کے قتل میں سزا کے خلاف متحدہ کے ٹارگٹ کلر سعید بھرم کی اپیل مسترد کردی۔

ملزم سعید بھرم کی جانب سے دائر سزا کے خلاف اپیل سندھ ہائیکورٹ نے مسترد کرتے ہوئے ملزم کی سزا کو برقرار رکھنے کا حکم دیا ہے۔

پولیس کے مطابق ایم کیو ایم کے کارکن سعید بھرم نے 100 سے زائد افراد کی ٹارگٹ کلنگ کا اعتراف کیا تھا، اس کے علاوہ ملزم نے اپنے اعترافی بیان میں مزید سنسنی خیز انکشافات بھی کیے تھے۔

سندھ ہائیکورٹ میں درخواست کی سماعت کے دوران رینجرز پراسیکیوٹر کا کہنا تھا کہ ملزم سعید بھرم کو انسداد دہشت گردی کی عدالت نے عمر قید کی سزا سنائی تھی۔

رینجرز پراسیکیوٹر نے عدالت کو بتایا کہ ملزم نے ایم کیو ایم حقیقی کے کارکن سید ابرار حسین کو قتل کیا تھا، اس کے خلاف قتل کا مقدمہ یکم اکتوبر 2009 کو نبی بخش تھانے میں درج کیا گیا۔

رینجرز پراسیکیوٹر کا مزید کہنا تھا کہ ملزم کے خلاف کیس میں ٹھوس شواہد تھے لہذا سزا برقرار رکھی جائے۔

قومی خبریں سے مزید