سردار یار محمد رند نا اہلی کیس: نظرثانی درخواستیں خارج

سپریم کورٹ نے سردار یار محمد رند کی نااہلی کیس میں دائر نظرثانی درخواستیں خارج کر دیں۔

جسٹس عمر عطا بندیال کی سربراہی میں تین رکنی بنچ نے نظرثانی درخواستوں پرسماعت کی۔

درخواست گزار کے وکیل نے موقف اختیار کیا کہ سردار یار محمد رند ماضی میں تسلیم کر چکے ہیں کہ انہوں نے جعلی سند بنائی، اس نکتے کا عدالت نے جائزہ نہیں لیا۔

جسٹس عمر عطا بندیال نے ریمارکس دیے کہ آپ جو بات کر رہے ہیں وہ پرانی ہے، آپ کی نظر ثانی درخواست نہیں بنتی۔

عدالت میں نظر ثانی درخواستیں تاج محمد رئیسانی، غلام حیدر اور میر عاصم کرد نے دائر کی تھیں، جو فاضل عدالت نے خارج کر دیں۔