آپ آف لائن ہیں
جنگ ای پیپر
پیر21؍ صفر المظفر 1441ھ 21؍اکتوبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

کوچ مصباح الحق ٹیم کے کلین سوئپ پر حیران

پاکستان کرکٹ ٹیم کے ہیڈکوچ اور چیف سلیکٹر مصباح الحق نے سری لنکا کے خلاف ٹی ٹوئنٹی میں کلین سوئپ شکست کی ذمہ داری قبول کرلی۔

میچ کے بعد کپتان سرفراز احمد کے ہمراہ پریس کانفرنس کرتے ہوئے مصباح الحق نے ٹیم کی اس ناکامی پر حیرانی کا بھی اظہار کیا۔

ان کا کہنا تھا کہ آج جو ٹیم کھیل رہی ہے وہی گزشتہ 4 سال سے کھیل رہی ہے۔ 

مصباح الحق نے کہا کہ انہوں نے ہی سری لنکا کے خلاف یہ ٹیم منتخب کی تھی اور وہی اس کی ذمہ داری بھی قبول کرتے ہیں۔

ہیڈ کوچ نے حیرانی کا اظہار کرتے ہوئے کہا کہ میں شکست کی وجوہات سوچ رہا ہوں، صرف دس دن میں نمبر ون ٹیم کو کیا ہوگیا، ہمیں بہت کچھ ٹھیک کرنے کی ضرورت ہے۔

اپنی بات کو جاری رکھتے ہوئے ان کا کہنا تھا کہ ایسا کوئی لیگ اسپنر نہیں جس کو ہم نے موقع نہیں دیا، یاسر اور شاداب کے متبادل دستیاب نہیں ہیں۔

انہوں نے کہا کہ جو مسائل سب کو دکھائی دے رہے ہیں، وہی ہمیں بھی نظر آرہے ہیں، ہم پاور پلے میں بھی اچھا نہیں کھیل رہے۔

ٹیم کے کھلاڑیوں کی حمایت میں انہوں نے کہا کہ سینئر کھلاڑیوں پر بلاوجہ تنقید اچھی چیز نہیں ہے۔

انہوں نے کہا کہ سمت واضح تھی لیکن کھلاڑیوں سے بری کارکردگی کے حوالے سے جواب طلب کروں گا۔

یاد رہے کہ تیسرے ٹی ٹوئنٹی میچ میں سری لنکا نے جیت کیلئے پاکستان کو 148 رنز کا ہدف دیا تھا جس کے جواب میں پاکستان ٹیم 134 رنز بناسکی اور یوں سیریز 0-3 سے سری لنکا کے نام رہی۔

خیال رہے کہ پاکستان ٹیم  3 میچوں کی سیریز میں پہلی مرتبہ کلین سوئپ کا شکار ہوئی۔



کھیلوں کی خبریں سے مزید