آپ آف لائن ہیں
ہفتہ14؍شوال المکرم 1441ھ6؍جون 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کےالیکٹرک آل پاکستان فٹ بال کے سیمی فائنل میں پہنچ گئی

محمد رسول کی شاندار ہیٹ ٹرک کی بدولت کے الیکٹرک نے آل پاکستان یوم یکجہتی کشمیر فٹبال ٹورنامنٹ میں لاہور واپڈا کو باآسانی 5-0 سے ہرا کر سیمی فائنل میں کھیلنے کا اعزاز حاصل کرلیا۔

پہلا سیمی فائنل بدھ16 اکتوبر کو ایشیا گھی مل اور کریسنٹ ٹیکسٹائل ملز فیصل آباد کے درمیان کھیلا جائے گا۔

لیہ میں جاری آل پاکستان یوم یکجہتی کشمیر فٹبال ٹورنامنٹ کے آخری کوارٹر فائنل میں کراچی کی کے الیکٹرک نے ہیڈ کوچ حسن بلوچ کی زیر نگرانی این ٹی ڈی سی لاہور واپڈا کو باآسانی 5-0 سے زیر کیا۔

کھیل کے پہلے ہاف میں نعمان ڈوڈو کے 2 بہترین پاس پر پہلے انٹرنیشنل محمد رسول نے اور دوسرا گول انٹرنیشنل محمد ریاض نے اسکور کرکے اپنی ٹیم کی سبقت کو 2-0 کردیا جبکہ وقفے سے قبل مرتضیٰ حسین نے تیسرا گول کیا ۔

کھیل کے پہلے ہاف میں کے الیکٹرک کی ٹیم 3-0 سے جیت رہی تھی، دوسرے ہاف میں این ٹی ڈی سی لاہور واپڈا نے بہتر کھیل کا مظاہرہ کیا لیکن کے ای کے تابڑ توڑ حملوں کو اس کے کھلاڑی روک نہ سکے۔

دوسرے ہاف میں انٹرنیشنل محمد رسول کا کھیل نمایاں رہا، اس نے تین بار گیند کو جال میں پہنچاکر میچ میں اپنی ہیٹ ٹرک مکمل کی اور کے الیکٹرک کو سیمی فائنل میں پہنچادیا ۔

کے الیکٹرک دوسرے سیمی فائنل میں جمعرات17 اکتوبر کو آتش فٹبال کلب ٹانگ کے مد مقابل آئے گی ۔

کھیلوں کی خبریں سے مزید