پنجاب میں 10 ملین لوگ ہیپاٹائٹس کا شکار ہیں، گورنر پنجاب

گورنر پنجاب چودھری محمد سرور نے کہا ہے پنجاب میں 10 ملین لوگ ہیپاٹائٹس کا شکار ہیں اور ہیپاٹائٹس کی سب سے بڑی وجہ پینے کا گندا پانی ہے، 2020 تک پنجاب کے 2 کروڑ لوگوں کو پینے کا صاف پانی مہیا کریں گے۔

گورنر ہاؤس لاہور میں ایک کتاب کی تقریب رونمائی سے خطاب کرتے ہوئے چودھری سرور نے کہا کہ کوئی ہمارے خلاف لکھے تو ہم اسے مخالف سمجھتے ہیں،اس سوچ کو بدلناہوگا۔

انہوں نے کہا کہ پینے کا صاف پانی نہ ہونے کے باعث ہیپاٹائٹس تیزی سے پھیل رہا ہے، 2 ہفتے پہلے ایک شہر میں 60 فیصد لوگ ہیپاٹائٹس کے مریض پائے گئے۔

گورنر پنجاب نے مزید کہا کہ اس وقت سب سے بڑا چیلنج یہ ہےکہ ہماری امپورٹ ایکسپورٹ سے 3 بلین ڈالر زیادہ ہے۔