آپ آف لائن ہیں
جنگ ای پیپر
پیر 20؍ربیع الاوّل 1441ھ 18؍نومبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

پی فائیو ممالک بھارت سے مبینہ لانچ پیڈز کی تفصیل لیکر دیں: پاکستان

پاکستان نے مطالبہ کیا ہے کہ سلامتی کونسل کے 5 مستقل ارکان (پی فائیو ممالک) بھارت سے مبینہ لانچ پیڈز کی تفصیل حاصل کر کے پاکستان کو دیں۔

پی فائیو ممالک بھارت سے مبینہ لانچ پیڈز کی تفصیل لیکر دیں: پاکستان


یہ مطالبہ دفترِ خارجہ کے ترجمان ڈاکٹر محمد فیصل نے ہفتہ وار پریس بریفنگ میں کیا ، ان کا کہنا ہے کہ انتظار ہی رہا کہ بھارت اپنے آرمی چیف بپن راوت کے بیان کی تردید کرتا۔

ڈاکٹر فیصل نے کہا کہ الزام لگانے کا سلسلہ اب ختم ہونا چاہیے، کنٹرول لائن پر بھارت اپنے بھاری توپ خانے سے گولہ باری کر رہا ہے۔

انہوں نے کہا کہ قابض بھارتی سیکیورٹی فورسز نے مقبوضہ کشمیر میں مزید 3 کشمیریوں کو شہید کر دیا ہے، مقبوضہ کشمیر میں حالات مسلسل مخدوش ہیں۔

ترجمان دفتر خارجہ نے کہا کہ سندھ طاس معاہدے سے متعلق تمام حقوق استعمال کریں گے، کوشش ہے کہ کرتارپور راہداری معاہدے پر کل دستخط ہو جائیں۔

ایک سوال پر انہوں نے کہا کہ ایران اور سعودی عرب کے درمیان مفاہمت کے لیے کوششیں جاری ہیں، پاکستان افغان امن عمل کا حصہ رہا ہے، پاکستان ماسکو افغان مذاکرات میں شامل ہوگا۔

قومی خبریں سے مزید