آپ آف لائن ہیں
اتوار 15؍ شوال المکرم 1441ھ 7؍جون 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

سندھ ہائیکورٹ کا کینسر اتھارٹی بنانے کا حکم

سندھ ہائی کورٹ نے صوبائی حکومت کو کینسر اتھارٹی بنانے کا حکم جاری کرتے ہوئے جناح اسپتال کے لیے فوری طور پر اسپیشل فنڈ ریلیز کرنے کی ہدایت کر دی۔

گٹکے، ماوے، مین پوری جیسی اشیاء پر پابندی سے متعلق درخواست کی سماعت سندھ ہائی کورٹ میں ہوئی جس میں ڈائریکٹر جنرل صحت نے اپنی رپورٹ عدالت میں جمع کروائی۔

ڈائریکٹر جنرل صحت کی رپورٹ میں بتایا گیا ہے کہ صوبے میں 5 سال میں ایک لاکھ 76 ہزارسے زائد افراد کینسرکا شکار ہوئے ہیں۔

رپورٹ میں بتایا گیا ہے کہ جناح اسپتال نے سندھ حکومت سے فوری طور پر 600 ملین روپے گرانٹ مانگ لی ہے۔

کیس کی سماعت کے دوران سندھ ہائی کورٹ نے کینسر اتھارٹی بنانے کا حکم جاری کیا اور کہا کہ اس میں جناح اسپتال اور ایس آئی یو ٹی کے ماہر ڈاکٹرز کو شامل کیا جائے۔

سندھ ہائی کورٹ نے متعلقہ حکام کو ہدایت جاری کی کہ گٹکے پر پابندی سے متعلق فوری قانون سازی کی جائے۔

قومی خبریں سے مزید