آپ آف لائن ہیں
اتوار20؍ذیقعد 1441ھ 12؍جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

وزارت داخلہ کا نواز شریف سے متعلق معاملہ کابینہ کو بھیجنے کا فیصلہ

وزارت داخلہ کا نواز شریف سے متعلق معاملہ کابینہ کو بھیجنے کا فیصلہ


وزارت داخلہ نے نواز شریف کا نام ایگزٹ کنٹرول لسٹ (ای سی ایل) سے نکالنے کا معاملہ وفاقی کابینہ کو بھیجنے کا فیصلہ کیا ہے۔

سابق وزیر اعظم میاں نواز شریف کا نام ای سی ایل سے نکالنے کا معاملہ کل تک کے لیے ٹل گیا ہے۔

ذرائع کے مطابق قومی احتساب بیورو (نیب) کی جانب سے جواب ملنے کے بعد وزارت داخلہ یہ اہم ترین معاملہ کابینہ کے سامنے رکھے گی۔

ذرائع کے مطابق وزارت داخلہ قواعد کے مطابق نواز شریف کا نام ای سی ایل سے نکالنے کا معاملہ پہلے کابینہ کی ذیلی کمیٹی کے سامنے رکھے گی۔

ذرائع کا بتانا ہے کہ قواعد کےتحت معاملہ پہلے ذیلی کمیٹی کے سامنے رکھنے میں رکاوٹ یہ ہے کہ اس کا اجلاس دو روز بعد ( بدھ کو) شیڈول ہے۔

وفاقی کابینہ کا اجلاس کل (منگل) وزیراعظم عمران خان کی صدارت میں ہوگا، وفاقی حکومت کو یہ اختیار ہے کہ ذیلی کمیٹی سے پہلے معاملہ وفاقی کابینہ میں لاسکتی ہے۔

نواز شریف کی علاج کے لیے بیرون ملک روانگی سے متعلق نیب نے بال ایک بار پھر حکومت کے کورٹ میں ڈال دی ہے۔

نیب نے وزارت داخلہ کو بھیجے گئے جواب میں کہا ہے کہ وزارت داخلہ کسی بھی شخص کا نام ای سی ایل سے نکالنے کی مجاز ہے۔

وزارت داخلہ نے گزشتہ روز نواز شریف کی بیرون ملک روانگی سے متعلق اہم ترین فیصلہ کرنے کا اختیار نیب کو بھیجا تھا۔

قومی خبریں سے مزید