آپ آف لائن ہیں
بدھ21؍ذی الحج1441ھ12؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

وفاقی حکومت ای سی ایل سے نواز شریف کا نام نکالنے کی مجاز ہے، نیب

وفاقی حکومت ای سی ایل سے نواز شریف کا نام نکالنے کی مجاز ہے، نیب


قومی احتساب بیورو( نیب) نے کہا ہے کہ وفاقی حکومت نواز شریف سمیت کسی بھی شخص کا نام ایگزٹ کنٹرول لسٹ( ای سی ایل ) سے نکالنے کی مجاز ہے۔

نیب نے نواز شریف کا نام ای سی ایل سے نکالنے کےلئے وزارت داخلہ کی درخواست پر جواب ارسال کردیا ہے۔

ذرائع کے مطابق گزشتہ روز نیب نے وزارت داخلہ سے نواز شریف کی میڈیکل رپورٹس طلب کی تھیں، جو موصول ہونے کے بعد جواب تحریر کیا گیا۔

ذرائع کے مطابق نیب نے جواب میں کہا کہ وفاقی حکومت کسی بھی شخص کا نام ای سی ایل سے نکالنے کی مجاز ہے۔

نیب حکام کے مطابق وزارت داخلہ کو بھجوائے گئے جواب میں نواز شریف کا نام ای سی ایل سے نکالنے سے متعلق واضح طور پر اعتراض کیا ہے اور نہ ہی اس کی منظوری دی ہے۔

ذرائع کے مطابق نیب کے جواب کے بعد نوازشریف کا نام ای سی ایل سے نکالنے کا معاملہ ایک بار پھر وزارت داخلہ کے پاس چلا گیا ہے۔

اس سے قبل پنجاب میڈیکل بورڈ نے نواز شریف کا نام ای سی ایل سے نکالنے سے متعلق اپنی رپورٹ وزارت داخلہ کو ارسال کی تھی ۔

قومی خبریں سے مزید