• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

حکومت سیاسی مخالفین کی بیماری پر سیاست بند کرے، بلاول

حکومت سیاسی مخالفین کی بیماری پر سیاست بند کرے، بلاول


پیپلز پارٹی کے چیئرمین بلاول بھٹو زرداری نے کہا ہے کہ حکومت سیاسی مخالفین کی بیماری پر سیاست بند کرے۔

سماجی رابطے کی ویب سائٹ ٹوئٹر پر جاری ایک بیان میں بلاول بھٹو زرداری نے سابق وزیراعظم نواز شریف اور سابق صدر آصف زرداری کی بیماری پر حکومتی اقدامات پر تنقید کی۔

انہوں نے کہا کہ حکومت کا سیاسی مخالفین کی زندگیوں سے کھیلنا، سیاستدانوں کی بیماری کو ان پر دباؤ ڈالنے کے لیے استعمال کرنا شرمناک ہے۔

بلاول بھٹو نے مزید کہا کہ حکومت سیاسی مقاصد کے حصول کے لیے سیاستدانوں کی بیماریوں کو حربے کے طور پر استعمال کررہی ہے۔

ان کا کہنا تھا کہ حکومت تمام سیاسی قیدیوں کو طبی، عدالتی اور قانونی سہولیات مہیا کرے۔

قومی خبریں سے مزید