آپ آف لائن ہیں
جنگ ای پیپر
ہفتہ9؍ربیع الثانی1441ھ 7؍دسمبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

سری لنکا پاکستان میں ٹیسٹ کھیلنے پر تیار، شیڈول جاری

سری لنکا کی کرکٹ ٹیم دسمبر میں دو ٹیسٹ کھیلنے کے لیے پاکستان پہنچے گی، میچز راولپنڈی اور کراچی میں کھیلے جائیں گے۔

سری لنکا پاکستان میں ٹیسٹ کھیلنے پر تیار، شیڈول جاری


شائقین کرکٹ کے لیے بڑی خوشخبری آگئی، پاکستان میں ٹیسٹ کرکٹ بحال ہونے جا رہی ہے، سری لنکا کرکٹ نے اپنی ٹیسٹ ٹیم پاکستان بھیجنے کا اعلان کر دیا ہے۔

سری لنکا کرکٹ ٹیم نے حال ہی میں پاکستان کا دورہ کیا ، مختصر دورانیے کی کرکٹ کھیلی اور یہاں کیے گئے انتظامات پر سری لنکا کرکٹ نے مکمل اطمینان کا اظہار کرتے ہو ئے ٹیسٹ سیریز کھیلنے کی بھی منظوری دے دی۔

پاکستان میں 10 سال بعد انٹرنیشنل ٹیسٹ میچ کھیلا جائے گا ، سیریز کے دونوں ٹیسٹ آئی سی سی ٹیسٹ چیمپئن شپ کا حصہ ہیں ۔

پہلا ٹیسٹ 11 سے 15 دسمبر راولپنڈی اسٹیڈیم اور دوسرا ٹیسٹ 19 سے 23 دسمبر تک نیشنل اسٹیڈیم کراچی میں کھیلا جائے گا۔

پی سی بی کے ڈائریکٹر انٹرنیشنل ذاکر خان کا کہنا ہے کہ سیریز اس بات کا ثبوت ہے کہ پاکستان ایک محفوظ ملک ہے ۔

چیف ایگزیکٹو سری لنکا کرکٹ ایشلے ڈی سلوا کا کہتے ہیں کہ انہیں یقین ہے ٹیسٹ کرکٹ کے لیے پاکستان کی کنڈیشنز سازگار ہیں۔

کھیلوں کی خبریں سے مزید