MQM لفنگوں کے ہاتھوں میں ہے، فاروق ستار

ڈاکٹر فاروق ستار کا کہنا ہے کہ ایم کیو ایم کی بحالی کے لیے کوشش کر رہا ہوں، اسے لفنگوں، قبضہ گیروں کے ہاتھوں سے لے کر نوجوانوں کے ہاتھ میں دینا ہے۔

لاہور ایئرپورٹ پر میڈیا نمائندوں سے بات کرتے ہوئے سربراہ تنظیم بحالی کمیٹی ایم کیو ایم ڈاکٹر فاروق ستار نے کہا کہ کراچی کو لفنگوں نے خراب کیا ہے اور ایم کیو ایم بھی لفنگوں، قبضہ گیروں کے ہاتھوں میں چلی گئی ہے ۔

بانیٔ MQM کی ضمانت میں دوسری بار توسیع

اشتعال انگیز تقریر کے الزام میں برطانیہ میں بانی...

ڈاکٹر فاروق ستار کا کہنا تھا کہ نواجوان چاہتے ہیں کہ سیاسی قائدین ان پر اعتبار کریں، نوجوان نسل کو کم از کم 75 فیصد نمائندگی ملنی چاہیے، بلدیاتی انتخاب میں 25 سے 35 فیصد نوجوانوں کو ٹکٹیں دیں گے۔

انہوں نے کہا کہ چوہدری شجاعت بالکل ٹھیک کہتے ہیں کہ نواز شریف کے علاج کے لیے بیرون ملک جانے میں رکاوٹیں نہیں ڈالنی چاہیے، ان کے علاج کے لیے شرطیں یا حیل و حجت مناسب نہیں ہے۔

وزیر اعظم کے مطابق بھی نواز شریف کی طبیعت انتہائی خراب ہے تو ان کے لیے رکاوٹیں نہیں ڈالنی چاہیے۔

فاروق ستار کا میئر کراچی سے استعفے کا مطالبہ

ایم کیو ایم پاکستان کے سابق سربراہ فاروق ستار نے...

مولانا فضل الرحمٰن کے مختلف شہروں میں جاری احتجاجی دھرنوں سے متعلق ڈاکٹر فاورق ستار کا کہنا تھا کہ مولانا کی اگلی نسل ہوائی جہاز کو بھی کہیں نہ کہیں روک لے گی ۔

ڈاکٹر فاروق ستار نے بتایا کہ میں پچھلی دفعہ لاہور آیا تھا تو جاتی امرا گیا تھا، مگر نواز شریف صاحب سے ملاقات نہیں ہوسکی تھی صرف شہباز شریف سے ملا تھا ۔

انہوں نے کہا کہ عمران خان صاحب کو بھی کچھ سیکھ لینا چاہیے، ذمے داری کا ثبوت دینا چاہیے، موجودہ ملکی صورتحال میں فضل الرحمٰن اور وزیراعظم دونوں کو ذمہ دارانہ کردار ادا کرنا چاہیے۔

فاروق ستار کا کہنا تھا کہ ملک میں مہنگائی کا طوفان آگیا ہے، ڈالر مہنگا ہوتا جا رہا ہے، آج وزیراعظم سمیت کوئی بھی وزیر اپنے حلقے سے الیکشن لڑ کر دیکھ لے کبھی کامیاب نہیں ہوں گے ۔