ٹماٹر 100 روپے سستے

سندھ کے شہر بدین کی سبزی منڈی میں ٹماٹر کی رسد میں اضافہ ہو گیا ہے جس کے بعد علاقے میں ٹماٹر کی قیمتوں میں بھی ایک سو روپے کی کمی آ گئی ہے۔

مارکیٹ ذرائع کے مطابق مقامی منڈی میں ٹماٹروں کی رسد میں اضافہ ہوتا جا رہا ہے، آج ٹماٹر کے 2 ہزار تھیلے فروخت کے لیے لائے گئے جس کے بعد ٹماٹر کا 18 کلو کا تھیلا 3500 روپے میں فروخت ہوا۔

یہ بھی پڑھیے: مشیر خزانہ کے نزدیک ٹماٹر 17 روپے کلو

یہ بھی پڑھیے: ٹماٹر کی بڑھتی قیمتوں پر  بشریٰ انصاری کا دلچسپ تبصرہ

ٹماٹر کی آمد میں اضافے کے ساتھ عام دکانوں پر 300 روپے فروخت ہونے والا ٹماٹر 200 روپے فی کلو ہو گیا۔

دوسری جانب منڈی میں ٹماٹر کی رسد میں اضافے کے ساتھ اس کی کراچی منتقلی بھی بڑھ گئی، نئی فصل کے مارکیٹ میں آتے ہی ٹماٹر کی قیمتوں میں مزید کمی کا امکان ہے۔

بھارت سے تجارت معطل ہونا بھی ٹماٹر قیمتوں میں اضافے کی وجہ بنی

کراچی(نیوزڈیسک)مقبوضہ کشمیر کے معاملے پر بھارت سے...

ادھر کوئٹہ میں ٹماٹروں کی قلت کے باعث ایران سے ٹماٹروں کی درآمد کا سلسلہ جاری ہے۔

ایران سے درآمد کردہ ٹماٹر کے 47 مزید کنٹینرز تفتان سے کوئٹہ پہنچ گئے، اب تک مجموعی طور پر 137 کنٹینرز سے 2877 میٹرک ٹن ٹماٹر درآمد کیا گیا ہے۔

کوئٹہ میں آج ٹماٹروں کے مزید 37 کنٹینرز پہنچے ہیں، پہنچنے والے ان کنٹینرز کی این ایل سی کسٹم ڈرائی پورٹ پر کلیئرنس جاری ہے۔

کسٹم حکام کے مطابق کوئٹہ پہنچنے والے ٹماٹروں کے تمام کنٹینرز کی کلیئرنس آج کر دی جائے گی۔

بدین، کھیتوں سے ٹماٹر چوری، اسلحہ بردار پہرے دار تعینات

بدین(جنگ نیوز)بدین میں ٹماٹر کی قیمتوں میں اضافے کے...

کسٹم حکام کا مزید کہنا ہے کہ اب تک ایران سے درآمد کردہ ٹماٹروں کے 137 کنٹینرز کوئٹہ پہنچ چکے ہیں جبکہ گزشتہ روز تک 90 کنٹینرز کی کسٹم کلیئرنس کی جا چکی ہے، آج تفتان سے ٹماٹروں کے مزید کنٹینرز بھی کوئٹہ پہنچنے کا امکان ہے۔