آپ آف لائن ہیں
جنگ ای پیپر
منگل2؍جمادی الثانی 1441ھ 28؍جنوری 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

تین لاکھ ٹن کینو برآمد کرنے کا ہدف مقرر

تین لاکھ ٹن کینو برآمد کرنے کا ہدف مقرر
رواں سیزن میں کینو کی پیداوار 22 لاکھ ٹن رہنے کے اندازے ہیں۔

پاکستانی کینو ایکسپورٹ سیزن شروع ہوگیا، تین لاکھ ٹن کینو برآمد کرکے ساڑھے 19 کروڑ ڈالر کمانے کا ہدف مقرر کیا گیا ہے۔

آل پاکستان فروٹ ویجیٹیبل امپوٹرز ایکسپوٹرز اور مرچنٹس ایسوسی ایشن کے جاری کردہ اعلامیے کے مطابق یکم دسمبر سے کینو ایکسپورٹ کا سیزن شروع ہوگیا ہے۔

رواں سیزن کینو کی پیداوار 22 لاکھ ٹن رہنے کے اندازے ہیں، جس میں سے تین لاکھ ٹن کینو برآمد ہوگا۔

رواں سیزن کینو کا برآمدی ہدف 50 ہزار ٹن کم رکھا گیا ہے۔ مقامی سطح پر کینو کی قیمتوں میں اضافے اور عالمی منڈیوں میں ملکی پیداوار کی مسابقت نہ ہونے کے سبب برآمدی ہدف کم کیا گیا ہے۔

پی ایف وی اے کے مطابق کینو کی نئی ورائٹیز پر کام کرنا ناگزیر ہے۔ ایسا کرنے سے کینو کا ایکسپورٹ سیزن چار سے بڑھا کر آٹھ مہینے تک پہنچایا جاسکتا ہے، نئی ورائٹیز پر کام نہ کیا گیا تو آنے والے سالوں میں کینو کی طلب مزید کم ہوگی۔

تجارتی خبریں سے مزید