آپ آف لائن ہیں
بدھ5؍ صفر المظفّر 1442ھ23؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

سندھ کا وفاق پر صوبائی معاملات میں مداخلت کا الزام

سندھ کا وفاق پر صوبائی معاملات میں مداخلت کا الزام


وزیراعلیٰ سندھ مراد علی شاہ کے مشیر برائے قانون مرتضیٰ وہاب نے وفاقی حکومت پر صوبائی معاملات میں مداخلت کا الزام لگادیا۔

میڈیا سے گفتگو میں مرتضیٰ وہاب نے کہا کہ ایک سیاسی رہنما کے کہنے پر ایک پولیس افسر کو اسلام آباد بلا لیا گیا۔

انہوں نے وزیراعظم عمران خان کو مخاطب کرتے ہوئے کہا کہ آئین پڑھ لیں آپ کو وزیراعلیٰ کی بات سننا ہے نہ کہ کسی وفاقی وزیر کی۔

مشیر قانون نے مزید کہا کہ ہم کہتے تھے کہ وفاق سندھ کے معاملات میں بے جا مداخلت کررہا ہے، گورنر سندھ عمران اسماعیل نے اس کا ثبوت پیش کردیا۔

ان کا کہنا تھا کہ گورنر سندھ یا وفاقی حکومت یہ سمجھتی ہے کہ ہم ان سے ڈر جائیں گے تو یہ ان کی بھول ہے۔

مرتضیٰ وہاب نے یہ بھی کہا کہ اسلام آباد میں کچھ مایوس لوگوں نے وزیراعلیٰ سندھ کے خلاف پلان بنایا تھا، سندھ سے منتخب ہونے والوں نے اسلام آباد میں وزیراعظم کو سندھ کا مقدمہ پیش کرنے سے گریز کیا۔

قومی خبریں سے مزید